عالم فتيات

كونى فخوره بأنكِ فتاه

 
الرئيسيةس .و .جالتسجيلدخول

شاطر | 
 

 الرخامة بدون معلم

اذهب الى الأسفل 
كاتب الموضوعرسالة
nosa
New

New
avatar

الجنس : انثى
عدد الرسائل : 99
تاريخ التسجيل : 11/08/2008
نقاط : 0
التقييم : 0
المكان : egypt
القسم المفضل : الأصدقاء والمرح

مُساهمةموضوع: الرخامة بدون معلم   الأربعاء 03 سبتمبر 2008, 10:30 pm

اهم حاجة بتميز الرخم انه عنده بروووووووووووود اعصاب ممكن يخلى الجو الاستوائى يمطر تلج

ونخش عالمواقف على طول الى هتعمل منك واحد رخم

يعنى مثلا لو بتسهر لغاية الفجر او ربنا كرمك و قمت تصلى الفجر بيبقي فى ناس كتير نايمة يا سلام كده على كام صاروخ من الاصفر ابو بريزة ده وتطلع من البلكونة و تولعهم مع بعض وترميهم فى حتت بعيدة عن بعض وبعيدها على طول عالسرير و تعمل فيها عبده العبيط و بلاش الموضوع ده كل يوم عشان متتعكش

حد فى بيتكم نومه تقيل و متعود انه يظبط المنبه عالساعة 8 مثلا عشان يروح المدرسة و لا الشغل تستنى حضرتك بعد ما يظبطه و ينام وتخش تتسحب زى الحرامية و تغيرله الميعاد للساعة 10 مثلا و لا من شاف و لامن درى

و يا سلام بقى لو عايز تصحى اخواتك و لا حد من قرايبك نومه تقيل اوعى تتعب نفسك وتقعد بقى اوم يا فلان اصحى و هوا ينفضلك لا بكل بساطة سيبه نايم و تروح تجيب ورقتين و تعملهم قراطيس وتحط واحد فى الرجل اليمين وواحد فى الرجل الشمال ما بين الصباع الكبير و الى قبله و سلام على عود كبريت محترم كده و تولع فى القرطاس من ادام و بالهنا و الشفا نوم العوافى (بتنرفز اوى الحركة ديه)

يااااا بقى لو انت ساكن فى العمارة و فوقيك كام دور كده تستنى كل يوم اول ما الجو يهدى كده و تاخد كل الزبالة الى فى بيتكم و تطلع توزعها ادام الشقق الى فوقيكم اوعى تغلط و تنزل على الى تحت عشان محدش يفقسها


وخليك دايما فاكر انك باااااااااااااااااااااااااااااااااااااااااااارد

ولازم يبقى في علاقة محبة متوازية بينك و بين الموز اهو منك تتغذى و تستفيد بالموزاية و فى نفس الوقت تستخدم القشر فى الاستخدام الصح بتاعه (التزحلق ادام الشقق) و اوعى ترمى القشر قريب من السلالم لحسن كده تقلب بمستشفى ارميه ادام باب الشقة بالظبط او فى مدخل العمارة و يا سلام بقى لو تعرف تبوظ اللمبة الى بتنور المدخل و لا ادام الشقة تبقى تميت جميلك

عرفت مثلا انهم فى البيت متابعين مسلسل معين و لا فى مطش باباك ما بيفوتوش اعرف الميعاد بالظبط وتعالى قبليها بربع ساعة كده و شيل الفيشة من السلك بتاع التلفزيون و لا شيل اى وصلة فى التلفزيون و لا حل بكل دول امسحلهم القناة الى هيتفرجوا عليها و اختفى بعديها

عملوا فى البيت اكلة ما بتحبهاش و خنقوا عليك عادىىىى جدا و لا خلوك قاعد فى حالك و قالولك اوم اعمل لنا شاي ساعتها بقى ملكش غير صاحبك الى فى المطبخ ملح افندى و اديهم منه على اد ما تقدر عالاكل بقى و لا فى الشاي و اختفى بعدها برضه

هتروح الصيدلية و قوله عاوز ازازة (ملين بيكولاكس) ب 2 جنيه و تدخل كده من غير ما حد يحس و فى ازايز الميه او العصير الى فى التلاجة وممكن فى الشاى لو عايز و تحطلهم حبة حلوين من القطارة ديه و اظبط ساعتك على 7 ساعات بعد الشرب و شوف الاسهاااااال الى هينتشر بين الى شربوا بس كتر الجرعة

حد عندكوا مستنى تليفون مهم تيجى حضرتك قبل ما تنزل من غير ما حد يا خد باله تقوم شايل فيشة التليفون او لو موبايل شيل الخط و خبيه و خد بعضك وانزل عيش حياتك


لازم تسلى نفسك وانت نازل من بيتكم تتسحب عالسلم من غير ما حد يحس بيك و تنزل على الشقتين الى تحتكم و ترن جرس كل واحدة و انزل بسرعة و استخبى و شوفهم و هما طالعين لبعض و بيشتموا فى الى عملها

يا سلام بقى لو معاك عربية عاوزك تقفل ازاز العربية و كله و تعيش بقى بالكلاكس على اساس انك بتعزف بيانو مثلا وعيش بقى يا معلم طول ما انت ماشى و لما تقف تحت بيت واحد صاحبك بس اهم حاجة تقفل الازاز عشان ما تسمعش الى بيتقال عليك و سمعهم اللحانك يا عم الموهوب


اوعى تنسى انك بااااااااااااااااااااااااااااااااااااااااااااارد
روحت مع صحابك و قعدتوا على كافيه

هيجى الجارسون سيب صحابك يتعاملوا و يتطلبوا كل الى عاوزينه وبعدين استلم الجارسون انت بقى واديله جرعة محترمة مثلا
قوله عندكوا كبده ؟ هيقولك اه
قوله تمام؟ حلوة يعنى
اكيد هيقولك ايوه
قوله اوك يبقى اكتب واحد برجر
و عندكوا بقى شاورمة ؟ هيقولك ايوة قوله بتعملوها ازاى معلش ؟

سيبه يرغى شوية ويقولك كل حاجة وقوله انا اصلا مبحبش الشاورمة فكك كفاية البرجر

وحاول تطلب حاجات غريبة على اد ما تقدر ما تكونش عندهم زى سندوتشات حلاوة طحينية
أو بتنجان أو لبن العصفور
المهم حاول تجيبله جفاف عقبال ماتطلب اللى انت عايزه



وأنت بتاكل بقى أتسلى على المخلل اللى مش عاجبك أرمى شوية على التربيزة وشوية على الأرض أنت وذوقك بقى
لو معاك كاتشب مفيش مانع تعمل فيها بيكاسو و تقعد ترسم ولا تكتب أول حرف من اسمك على التربيزة يعنى المهم تطلع موهبتك و تعرض فنك للناس
ومتنساش تعيب على الأكل وأنت بتحاسب وكمان تقول الحساب غالى ده فكافيه كذه ارخص من هنا بكتير



و ياسلام بقى لو ربنا كرمك و دخلت تحضر محاضرة و لا درس اقعدلك جنب اى عيل من الى ما بيرحموش و ما بيفوتوش كلمة الدكتور بيقولها تفعد جنبه و كل ما تلقيه مركز اوى فى الكتابة تروح جاى معطله تقوله بقى هيا الساعة بقت كام و لا جايب القلم ده منين ولا هو المطش خلص كام فتح فى كلام يعنى اربع خمس مرات و شوف الواد هيبقى عامل ازاى لما تفوته حاجات كتير


انت اييييييييييييييييييييه اوعى تنسى ؟



استلم أى حد قاعد جانبك فى المحاضرة و تكون ما تعرفوش و اقعد اسأله هى المحاضرة هتخلص امتى ؟ وكل فيمتو ثانية اقعد اسأله الساعة كام اصل أنا زهقت هو لسه كتير



وواحدة كمان بتخنق اخر حاجة تخلى واحد قاعد مع واحدة فى قعدة رومانتيكية كده و تروح جاى حضرتك بكل رخامة و قاعد فى اقرب حتة منهم بحيث ان ودنك تبقى معاهم و هما يكونوا و اخدين بالهم


فى المدرج أرشق نفسك بين أتنين متعرفهمش وابتدى الشغل بقى أتعامل على إنك صاحبهم من قرن
يضحكوا على حاجة اضحك معاهم كده يعنى المهم تركز معاهم كأنك من بقيت أهلهم ولا خلفوك ونسيوك على باب جامع


ولو كانوا بيزعقوا او يعنى زعلانين و بيعاتبوا بعض خش انت بقي لا بس انت ملكش حق و لالالا يا عم انت الى غلطان بس استحمل الى هيتقلك


و حركة رخمة موووووووووووووووووت كل ما تخلى حد بيتصور لوحده او مع صحابه روح بسرعة و اطلع فى الصورة و انت عامل اى ريئكشن غبى ضحكة رخمة مثلا و الكلام ده يعنى و يا سلام لو بنات تبقى انت جبت من الاخر



عايز تعمل دماغ حلوة روح على شباك شئون الطلبة المهم حاول تعمل أهبل وأنت داخل وعايز تقف أول واحد

هيرجعوك ورا تحاول تقف مكان أى حد وترذل على كله هما أصلا بيبقوا واقفين مش طايقين نفسهم

لو واقف تانى واحد كده مفيش مانع تزق اللى قدامك تلبسه فى الشباك الحديد وتقول الله ياجماعة ياللى ورا متزقوش

ومن قبل ماينطق ولا كلمة تقعد تقوله خلص يالا عشان غيرك ومتخليهوش يركز مع بتاع شئون الطلبة خالص
لما يجى دورك بقى بيبقوا عايزين يخلصوك ويكروتوك واللى واقفين وراك فى الطابور مستنينك تغور فى داهية بفارغ الصبر
خد وقتك كأنك بتحجز فى سينما و اسأل أسئلة كتير وكل مايقولك حاجة قوله مش فاهم معلش قول تانى فهمنى أعمل أيه بالظبط لحد ماتشل أكبر عدد ممكن






وممكن تاخد و تقعد لوحدك كده وسط ناس بيزهقوا بسرعة و بيقعدوا يتكلموا او يضحكوا فى المحاضرة و اقعد كل ما يقولوا اى حاجة قولهم لو سمحتوا الصوت عاوز افهم لو سمحتوا ما تتكلموش بدل و الله ما اقول للدكتور يعنى حركات عيال بقي و بيخنق اوى الموضوع على فكرة و ياسلام بقى لو واحد وواحدة يبقى انت كده قفلت الكلام
#####################
اخدت النظرى طبق بقي و استحمل الى هيجرالك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
زائر
زائر



مُساهمةموضوع: رد: الرخامة بدون معلم   الأربعاء 03 سبتمبر 2008, 10:58 pm

شكرا ليكي نوسة

منكم نستفيد
الرجوع الى أعلى الصفحة اذهب الى الأسفل
*رونـــــي*
Very Good

Very Good
avatar

الجنس : انثى
عدد الرسائل : 1844
تاريخ التسجيل : 12/08/2008
نقاط : 7
التقييم : 0
المكان : مصر
القسم المفضل : العالم الإسلامى
حالتى الأن :

مُساهمةموضوع: رد: الرخامة بدون معلم   الأربعاء 03 سبتمبر 2008, 11:19 pm

هههههههههههههه


فعلا دي الرخامة اللي على اصولها


يعععععععععع انا بكره الانسان الرخم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
رضوى[بنت مصرية]
Good +5

Good +5
avatar

الجنس : انثى
عدد الرسائل : 570
تاريخ التسجيل : 10/08/2008
نقاط : 0
التقييم : 0
المكان : مصر
القسم المفضل : العالم الإسلامى
حالتى الأن :

مُساهمةموضوع: رد: الرخامة بدون معلم   الخميس 04 سبتمبر 2008, 5:17 pm

بروووووووووود ما بعده برووووووووووووووود
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
nosa
New

New
avatar

الجنس : انثى
عدد الرسائل : 99
تاريخ التسجيل : 11/08/2008
نقاط : 0
التقييم : 0
المكان : egypt
القسم المفضل : الأصدقاء والمرح

مُساهمةموضوع: رد: الرخامة بدون معلم   الجمعة 05 سبتمبر 2008, 12:36 am

ههههههههههههه مين اللي أتعلم الرخامة يرفع ايدة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
العصفورةالصغيرة
Good +4

Good +4
avatar

الجنس : انثى
عدد الرسائل : 414
تاريخ التسجيل : 18/08/2008
نقاط : 0
التقييم : 0
المكان : مصر
القسم المفضل : عالم فتايات
حالتى الأن :

مُساهمةموضوع: رد: الرخامة بدون معلم   السبت 06 سبتمبر 2008, 11:07 am

رخامة بجد
ايه ده وانا كمان بكره الناس الرخمين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Muslma
Just wait

Just wait
avatar

الجنس : انثى
عدد الرسائل : 364
تاريخ التسجيل : 22/03/2008
نقاط : 6
التقييم : 0
المكان : under the sea
القسم المفضل : الأصدقاء والمرح
حالتى الأن :

مُساهمةموضوع: رد: الرخامة بدون معلم   السبت 11 أكتوبر 2008, 6:20 pm

ههههههههههههههههههه
بس-مقالب-حلوه


Ramadan Karem :قلب:
We're back.. Just wait us :متحمس:
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fatayat1.yoo7.com
*مونـــــي*
Very Good

Very Good
avatar

الجنس : انثى
عدد الرسائل : 1284
تاريخ التسجيل : 27/09/2008
نقاط : 621
التقييم : 0
المكان : مصر
القسم المفضل : عالم فتايات
حالتى الأن :

مُساهمةموضوع: رد: الرخامة بدون معلم   الأربعاء 22 أكتوبر 2008, 7:15 pm

انا عمري ما هرفع ايديه لاني مش رخمة يا خولة



ههههههههههههههههههههههههههههههههههه شكرا يا نوسة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الرخامة بدون معلم
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عالم فتيات :: الأصدقاء والمرح :: الأصدقاء والمرح-
انتقل الى: